यस बर्षको एसईई परीक्षामा सैनामैना नगरपालिकाभित्र रहेका विद्यालयहरु मध्ये सैनामैना वडा नम्बर १, रानिबगियामा रहेको सामुदायिक बिद्यालय सैनामैना पर्रोहा परमेश्वर नमुना मावि विद्यालयले उत्कृष्ट नतिजा ल्याउन सफल भएको छ ।
शुक्रबार देशैभर प्रकाशित भएको एसईई परीक्षाको नतिजा आउँदा रानिबगियामा रहेको पुरानो सरकारी विद्यालय सैनामैना पर्रोहा परमेश्वर नमुना माविले यो बर्ष गत वर्षको भन्दा उत्कृष्ट नतिजा ल्याएको जनाइएको छ । विद्यालयका प्रधानाध्यापक नेत्र पुरिका अनुसार यो बर्षको(एसईई) मा ९५ प्रतिशत विद्यार्थी उत्तीर्ण भएका छन् ।
उनले भने, ४ जिपिए ल्याउने ४ जना, ३.९५ भन्दा बढि जिपिए ६ जना सहित १७९ जना उत्तीर्ण भए भने, १० जनाले पुरक परीक्षा दिन पाउनेछन्, यो नतिजा हेर्दा गत बर्षको भन्दा उत्कृष्ट र सन्तोषजनक नतिजा हो। उक्त विद्यालयमा अध्ययन गर्ने विद्यार्थीहरु राम्रो नतिजा ल्याएर उतिर्ण हुने गरेका छन् ।
यसैगरि सैनामैना ९, बासगढिमा रहेको जनचेतना माद्यामिक बिधालयले भने सत प्रतिशत उत्कृष्ट नतिजा ल्याउन सफल भएको छ । स्कुलका प्रधानध्यापक कमल बेल्वासेका अनुसार यो बर्षको एसईई परिक्षामा जम्मा विद्यार्थी २९ जनाले परीक्षा दिएका थिए ।
प्रधानध्यापक बेल्वासेले भने,“यो हाम्रो सतप्रतिशत नतिजा हो, सवैजनाले उत्कृष्ट अङ्क ल्याएर उतीर्ण भएका छन्, गत साल भन्दा पनि राम्रो र उत्कृष्ट नतिजा हो, हामी विद्यार्थीलाई आगामी दिनमा अझै उत्कृष्ट नतिजा ल्याउनको लागि प्रयासरत रहेका छौ, यो हाम्रो विद्यालयको सफलता पनि हो ।
सस्थागत बिधालय तर्फ न्यु एकेडमी बोर्डिङ स्कुल, मुर्गियाले पनि सत प्रतिसत बिद्यार्थी उत्तीर्ण गराउन सफल भएका छन ।
