काठमाडौं । सरकारले राष्ट्रिय परिचयपत्रका लागि तस्बिर खिच्दा सिन्दूर र टीका समेत लगाउन पाईने भएको छ।
गृहमन्त्रालय अन्तरगतको राष्ट्रिय परिचयपत्र तथा पञ्जीकरण बिभागले सुचना जारी गर्दै राष्ट्रिय परिचयपत्रका लागि तस्बिर खिच्दा सिन्दूर र टीकालगाउन पाईने जनाएको छ।
बिभागको सुचनामा फोटो खिच्दा स्पष्ट मुखाकृति र दुवै कान देखिने गरी फोटो खिच्नुपर्ने, फोटो खिच्दा सिन्दूर, टीका, राष्ट्रियता झल्कने टोली, धार्मिक, सांस्कृति तथा जातीय पहिचान जनाउने पहिरन लगाउन बाधा नपर्ने उल्लेख गरेको छ।
अब आफ्नो संस्कृति र जातीय पहिचान जनाउने पोशाक र पहिरन लगाउन मिल्ने राष्ट्रिय परिचयपत्र तथा पञ्जीकरण विभागले जनाएको छ।
यसअघि सिन्दूर, टिका हटाएर फोटो खिच्न लगाइन्थ्यो। तर जनस्तरबाट आलोचना भएपछि विभागले यस्तो निर्णय गरेको हो।
