अर्थमन्त्री जनार्दन शर्माको प्रेस विज्ञमा पुराना पत्रकार मनऋषि धिताल नियुक्त भएका छन् ।
जनादेश सप्ताहिकका पूर्वसम्पादक धिताललाई अर्थमन्त्री शर्माले आफ्नो प्रेस विज्ञको रूपमा नियुक्त गरेका हुन् । यसअघि सो जिम्मेवारीमा अजित अधिकारी थिए ।
माओवादी द्वन्द्वकालमा युध्द सँवाददाता रहेका धिताल पछिल्लो समय अस्ट्रेलियामा बस्दै आएका थिए । अस्ट्रेलियामा पनि उनी पत्रकारितामै क्रियाशील थिए ।
माओवादीमा डा। बाबुराम भट्टराईनिकट रहेका उनी भट्टराईले पार्टी छाडेर हिँडेपछि तटस्थ रहेका थिए । धिताल जुम्लाका स्थायी बासिन्दा हुन् ।
