बुटवल । सैनामैना नगरपालिकाले ‘नमुना संसद् अभ्यास’ कार्यक्रम नगरपालिकामा रहेका नगर स्तरिय युवा क्लव संजाललाई अभिमुखीकारण कार्यक्रम अभ्यास गराइएको छ । शुक्रबार बाट सुरु भएको नमुना संसद अभ्यास सोमबार समापन भएको हो ।
समापन समारोहमा प्रशिक्षार्थिहरुले सैनामैनाका जनप्रतिनिधि र कर्मचारिहरुलाई नगर सभा संञ्चालन बिधि, बजेटमाथि छलफल, बजेट भाषण लगायत नगर सभामा हुने प्रकृयाहरुको वारे डेमो नै प्रस्तुत गरेका थिए । देख्दा नगर सभाको झल्को आउँथ्यो। पात्र, विषय र भूमिका अभ्यासका निम्ति भए पनि नगरको परिस्थितिसँग दुरुस्त थियो।
नमुना संसद अभ्यासले युवा तथा विद्यार्थीको सीप विकासमा समेत सहयोग पुर्याउने उद्देश्यले यो कार्यक्रम संचालन भएको शिक्षा युवा तथा खेलकुद शाखा प्रमुख राधा बेलवासेले बताउनु भएको छ । नेपालको शासन प्रणाली र यसको विकास प्रक्रियाको बारेमा युवालाई सुसुचित गराउँदै युवामैत्री बनाउन र कार्यक्रम निर्माणका लागि राज्यलाई सुझाव दिने रहेको छ।
कार्यक्रमलाई सम्बोधन गर्दै सैनामैना नगरपालिकाका उपमेयर बिना रानाले स्थानीय तहमा युवाको सशक्तिकरण तथा सामाजिक, राजनीतिक, शैक्षिक मूल प्रवाहीकरणमा सहभागिता खोज्न यसप्रकारको नमूना कार्यक्रम सञ्चालनमा ल्याएको बताउनु भयो ।
सैनामैनाको प्रमुख प्रशासकिय अधिकृत जीवन ज्ञवालिले सैनामैनाको विकासका लागि युवालाई सबल, प्रतिस्पर्धी र आत्मनिर्भर बनाउँदै सार्थक सहभागिता सुनिश्चित गरी नगरपालिकालाई आधुनिक, न्यायपूर्ण र समृद्ध बनाउने उद्देश्यसहित कार्यक्रम आयोजना गरिएको बताउनुभयो ।
भविष्यमा नेतृत्व तहमा सक्षम जनशक्ति पुर्याउने लक्ष्यका साथ सञ्चालित कार्यक्रममा ३० जान युवा विद्यार्थी सहभागी थिए ।
सैनामैना नगरपालिकामा पहिलोपटक नमुना युवा संसद गठनको अभ्यास गरिएको हो। नगरपालिकामा नमुना संसद् गठनका विभिन्न चरणहरू पूरा गरिएको छ। छनोटमा परेका युवालाई नमुना संसद् स्थापना र अभ्यासका लागि नेतृत्व विकास तथा नमुना युवा संसद सञ्चालनसम्बन्धी कार्यशालामार्फत प्रशिक्षित गरिएको छ ।
सैनामैना नगरपालिकाका शिक्षा तथा युवा शाखा प्रमुख राधा बेलवासेको अध्यक्षता र गणेश खनालको सञ्चालनमा उदघाट्न सत्र समपन्न भएको छ । नमुना संसद अभ्यास कार्यक्रम बैशाख २८ देखि ३१ गते सम्म होटल बावरीमा सन्चालन भएको थियो । भने कार्यक्रमलाई आयुषा कंडेल र डा।आविष्कार पराजुलीले सहजिकरण गरेका थिए ।
