नेपाल विद्यार्थी संघ सहिद नारायण पोखरेल रामापुर क्याम्पस इकाइ समिति सैनामैना ६ कलौनीद्वारा आयोजित विद्यार्थीको नेतृत्व एवम ब्यक्तित्व विकास सम्बन्धी एक दिने तालिम सम्पन्न भएको छ ।
कार्यक्रममा विद्यार्थीको नेतृत्व एवम ब्यक्तित्व विकास सम्बन्धी तालिमको प्रशिक्षण युवा परिषद् लुम्बिनी प्रदेश उपाध्यक्ष गोविन्दबहादुर केसी र लुम्बिनी प्रदेश युवा परिषदका कार्यकारी सदस्य सरोज खनालले दिनुभएको थियो ।
तालिममा प्रशिक्षण दिदै केसी र खनालले विद्यार्थीको नेतृत्व एवम ब्यक्तित्व विकास सम्वन्धि तालिमले जीवनमा आउने चुनैतिलाई सजिलै सामना गर्न सकिन्छ भन्ने कुरा स्पष्ट पार्नु भएको थियो ।
नेपाल विद्यार्थी संघ सहिद नारायण पोखरेल रामापुर क्याम्पस इकाइ समितिका सभापति मौसम थापा मगरको अध्यक्षतामा भएको कार्यक्रममा स्वागत मन्तव्य नेपाल विद्यार्थी संघ रुपन्देहीका सचिव तथा सहिद नारायण पोखरेल रामापुर क्याम्पसका स्वबियु सभापति मनोज बेलबासेले ब्यक्त गर्नुभएको थियो ।
तालिम कार्यक्रम शुभारम्भका अवसरमा नेपाल विद्यार्थी संघका केन्द्रिय सदस्य किरण तिवारी, शान्ति समाज नेपालका केन्द्रिय निबर्तमान सभापति गोबिन्द खनाल, क्याम्पस प्रमुख हेमबहादुर थापा, सैनामैना वडा नम्बर ६ का वडा अध्यक्ष गोपाल पोख्रेल, प्रजातान्त्रिक प्राध्यापक संघका सभापति प्रेम पौडेल लगायतले बोल्नुभएको थियो ।
नेपाली कांग्रेस सैनामैना नगर समिति सभापति रणबहादुर खनालको प्रमुख आतिथ्यता रहेको कार्यक्रमको संचालन नेपाल विद्यार्थी संघ शहिद नारायण पोखरेल रामापुर क्याम्पसका इकाई सचिव विष्णु ढकालले गर्नुभएको थियो
