भदौ १५ । नेकपा माओवादी केन्द्र निकट अखिल नेपाल महिला संघ (क्रान्तिकारी) को सैनामैना वडा नं ७ समितीको दोस्रो सम्मेलन सम्पन्न भएको छ । सम्मेलनबाट टिपोला छन्त्यालको अध्यक्षतामा ३६ सदस्यीय वडा कमिटी गठन भएको छ । जसको उपाध्यक्षमा शारदा पौडेल, मिना थारु र गंगा थापा चयन भएका छन । सचिवमा सरस्वती पराजुली, सह सचिवमा कमला अधिकारी पौडेल र कोषाध्यक्षमा गंगा चौधरी निर्वाचित भएको सो संगठनले जनाएको छ ।
सम्मेलनको उद्घाटन गर्दै माओवदाी केन्द्रका रुपन्देही संयोजक निर्मल जिसीले संगठित नभए सम्म महिलाहरुको सर्वाङ्गीण विकास हुन नसक्ने बताए । उनले क्रान्तिकारी महिलाहरुले समाजको सबै क्षेत्रमा नेतृत्व गर्नु पर्नेमा जोड दिए । माओवादी नेतृ शारदा घिमिरेले बदलिदो राजनैतिक परिस्थितीमा महिलाहरुको भुमिकामा पनि बदलाव आएका कारण समाजलाई केन्द्रमा राखेर काम गर्न आग्रह गरीन । कार्यक्रममा माओवादी नेता भोलानाथ बस्याल , दिपिका शर्मा, रोमनाथ न्यौपाने लगायतले बोल्दै माओवादी फेरी एक पटक जुर्मुराउनु पर्ने बताए ।
