शिव डुम्रे /बुटवल
बुटवल जेसीस र लेडी जेसिसको संयुक्त आयोजनामा बुटवलस्थित मणिमुकुन्द सेन उध्धान , फूलबारीमा रहेको सहिद स्मृति पार्कमा सहिदहरुको सालिकमा माल्यार्पण कार्यक्रम गरिएको छ । आज माघ १६ गते सहिद दिवसको दिन पारेर देश र समाज निर्माणमा आफ्नो जीवन आहुति गर्ने महान सहिदहरुप्रति सम्मानसहिद माल्यार्पण गरिएको थियो ।
कार्यक्रममा प्रमुख अतिथी जेसीस बुटवलका पुर्व अध्यक्ष एवम् सल्लाहकार अध्यक्ष राजु पौडेल जेसीस बर्ष २०२५ को पहिलो कार्यक्रम सहिद दिवसबाट सुरु भएको भन्दै कार्यकाल सफलताको शुभकामना ब्यक्त गरे, राष्ट्र निर्माण गर्न योगदान दिने ब्यक्तित्वहरुलाई बेलाबेलामा सम्झिदा आउने पुस्तालाई समेत यसको महत्व बढ्ने भन्दै उनले अहिलेको पुस्तामा सामाजिक, इतिहास र नैतिक शिक्षाको जग कमजोर बनिरहेको भन्दै यस्ता कार्यक्रमहरु मा नया पुस्तालाई पनि जोड्दा प्रभावकारी हुने बताए ।
बुटवल जेसीस २०२५ का अध्यक्ष मोहन न्यौपानेले देशमा लोकतान्त्रिक अभ्यास सुरुवात गराउन वीर सहिदहरुले खेलेको भुमिका अतुलनीय रहेको बताएका थिए ।
यस्तै लेडी जेसीस २०२५ का अध्यक्ष रुपा श्रेष्ठले सहिदहरुप्रति एकदिन मात्रै नभएर सदैव सम्मान रहेको बताउदै सहिदले देखाएको बाटोमा ईमान्दारपुर्वक लाग्नुपर्ने बताईन ।
बुटवल जेसीस र लेडि जेसीसको सम्युक्त आयोजनामा सम्पन्न कार्यक्रममा सहिदहरुको सालिकमा पुष्पगुच्छाले माल्यार्पण गरिएको थियो भने सहिदहरुको सम्मानमा १ मिनेट मौनधारण पनि गरिएको थियो ।
