१६ माघ, सैनामैना । सैनामैनास्थित न्यु, एकेडेमी बोर्डिङ स्कुलको २०औँ वाषिर्कोत्सव विद्यालय परिसरमा सम्पन्न भएको छ । वाषिर्कोत्सवको मुख्य आर्कषणको रुपमा सांस्कृतिक कार्यक्रम, फुड फेस्टिबल, बिज्ञान प्रदर्शनी र वाषिर्क पुरस्कार वितरण रहेका थिए ।
कार्यक्रमको प्रमुख अथितिको आथित्यता ग्रहण गर्दै सैनामैना नगरपालिकाको उपमेयर बिना रानाले शुभकामना दिनुभयको थियो ।सोही अवसरमा उहाँले न्यु एकेडेमी विद्यालय विगतदेखि शैक्षिक उत्कृष्टता सहित विद्यार्थीहरुको सर्वाङ्गीण विकासको निम्ति अनवरत रुपमा क्रियाशिल रहेको र यसले नेपालकै शिक्षा क्षेत्रमा परिवर्तन ल्याउन सफल भएको बताउनुभएको थियो ।
त्यसैगरी बिधालय ब्यबस्थापन समितिका अध्यक्ष मीन प्रसाद पौडेलले कार्यक्रममा प्रस्तुत भएका सांस्कृतिक नाचगानले विद्यार्थी, शिक्षक, कर्मचारी र व्यवस्थापकको कडा परिश्रम उजागर गरेको बताएका थिए । त्यस्तै उनले पुरस्कार बिजेता विद्यार्थीहरुलाई बधाइ तथा शुभकामना दिदै न्यु एकेडेमी विद्यालयको निरन्तर प्रगतिको कामना गरे । कार्यक्रममा एक सय बिस विद्यार्थीहरुलाई पुरस्कृत गरिएको थियो । शैक्षिक उत्कृष्ट नतिजा प्राप्त गरेका विद्यार्थीहरुलाई उत्कृष्ट शैक्षिक पुरस्कार मार्फत सम्मान गरिएको थियो ।
सांस्कृतिक कार्यक्रमका आर्कषणको रूपमा नेपाली आधुनिक नृत्य, फ्रिस्टाइल नृत्य, कथाको छोटो अभिनय, क्लासिकल नृत्य, संस्कृत गित रहेका थिए ।
विकासको उचाइमा पुग्न सफल देशहरुले अहिले संस्कार र चरित्रमा आधारीत विद्यालय खोजिरहेको छ। न्यु एकेडेमी विद्यालय एक कदम अगाडि बढ्दै विपासना र विभिन्न प्रकारका ध्यानका कक्षाहरुसमेत सञ्चालन गरिरहेको छ ।
वाषिर्क कार्यक्रमको योजना र रुपरेखा विद्यालयका प्रार्चाय टोपलाल भट्टराईद्धारा तय भएको हो । बिधालयको बार्सिक उत्सब कार्यक्रमको उद्घोषकको रुपमा नमराज भुसाल र सुस्मिता थापा रहेका थिय ।प्रमुख अथितिहरु र अभिभावकको स्वागत तथा सत्कारको लागि विद्यालय व्यवस्थापन समिति र विद्यालयका सम्पूर्ण शिक्षक सदस्यहरु उपस्थित रहेका थिए ।
