काँग्रेस क्षेत्रीय सदस्य भण्डारी र एमाले राजपुर सचिव यादव माओवादी प्रवेश

English English Nepali Nepali

नेकपा (एमाले) राजपुर गाउँपालिका सचिव मंशाराम यादव र नेपाली काँग्रेस दाङका क्षेत्रीय सदस्य मीना भण्डारी र साहेबदिन यादव नेकपा माओवादी केन्द्र प्रवेश गरेका छन्।

चुनावी माहोल शुरु भएसँगै देशभरिका विभिन्न पार्टीहरुबाट  माओवादी प्रवेश गर्नेको लहर नै चलेको छ। भारतको सीमा क्षेत्रसँग जोडिएको दाङदेउखुरीको राजपुर माओवादीको राम्रो पकड भएको गाउँपालिका हो।

माओवादीमा प्रवेश गरेका नेताहरुलाई माओवादी केन्द्रका केन्द्रीय सदस्य तथा लुम्बिनी प्रदेशका स्वास्थ्य तथा जनसंख्या मन्त्री इन्द्रजीत थारुले स्वागत गर्नुभएको हो।

माओवादीबाट राजपुर गाउँपालिका अध्यक्षको उम्मेदवार चक्रबहादुर खड्का ‘शिखर’ र उपाध्यक्षमा पुष्पा यादव चुनावी मैदानमा होमिनुभएको छ। जनतामा राम्रो छवि बनाएका खड्का र यादवले उम्मेदवारी दिएपछि एमाले काँग्रेसबाट आउने नेता कार्यकर्ताको लहर नै चलेको माओवादी राजपुरका प्रवक्ता भीम वलीले बताउनु भयो। ‘हामीले चुनावी माहोल राम्रो बनाएका छौं। चुनाव जितिसक्यौं’ वलीले भन्नुभयो, ‘अब मतदान भए पनि घोषणा हुन मात्रै बाँकी छ।’ एमाले काँग्रेसबाट पुराना स्थापित नेता माओवादी प्रवेश गरेकाले माओवादीको पक्षमा माहोल झन् बढेको वलीले बताउनु भयो ।

यो समाचार पढेर तपाईलाई कस्तो लाग्यो ?

© 2022 उज्यालो पोस्ट All right reserved Site By : Himal Creation