दाङ (देउखुरी )। भदौ १६ गतेदेखी तिन महिने विशेष अभियान शुरु गर्ने गरी गरी विशेष कार्यायोजना तय गर्दे नेपाल कम्युनिष्ट पार्टी माओवादी केन्द्रको प्रदेश समितिको वैठक आज सकिएको छ ।
लुम्विनी प्रदेशको राजधानी देउखुरीमा बसेको बैठकले समसामयीक प्रस्तावहरु पारित सहित अभियानको जिम्मेवारी वाडफाड गरिएको अध्यक्ष सुदर्शन वरालले जानकारी दिए ।
वैठकले यथाशिघ्र रोक्का गरिएको प्रदेश राजधानीको जग्गा फुकुवा गर्न वाडी पहिरो प्रभावितहरुको लागि राहत व्यवस्था गर्न सरकारको ध्यानकर्षण गराएको छ । त्यसैगरी संघीय सरकारले भ्रष्टचार नियन्त्रणको लागि चालेको कदममा एक्यवद्धता जनाउदै सुशासनको प्रत्याभूत गराउने कार्यमा सहयोग गर्न सबैमा आग्रह गरेको अध्यक्ष बरालले जानकारी दिए ।
स्थायी समिति सदस्य पुर्ण बहादुर घर्ती आयामलाई अभियानको रोल्पाको इन्चार्ज ताकिएको छ । त्यसैगरी रुकुममा कमला रोका, रुपन्देहीमा गणेशमान पुन, पाल्पामा कृष्ण ध्वज खड्का, नवलपरासीमा हकिकुल्लाह खां अर्घाखाचीमा वामदेव क्षेत्री, दाङमा जयपुरी घर्ती, कपिलवस्तुमा महेश्वर गहतराज, बांकेमा कुल प्रसाद केसी, बर्दियामा पुर्णा सुवेदी र गुल्मीमा जोख बहादुर महरा खटिनु भएको छ । प्युठानको कमान्ड कार्यालयले हेर्ने छ ।
तिन महिनाको लागि जिल्ला इन्चार्जहरुको पनि जिल्ला परिवर्तन गरी जिम्मेवारी ताकिएको छ । केन्द्रिय सदस्यहरुको अन्तर जिल्ला र प्रदेश समिति सदस्यहरुको अन्तरपालिका जिम्मेवारी तोएिको प्रदेश समितिका सचिव कृष्ण कुमार अधिकारीले जानकारी दिए ।तीन महिनाको अभियानको मुख्य लक्ष्य लुम्बिनी प्रदेशमा .पार्टी सदस्यता वृद्धि गर्ने र हरेक वडामा न्युनतम तीन ओटा सम्म टोल समिति निमार्ण गर्ने रहेको छ । हरेक वडामा महिला, विद्यार्थी, किसान, युवा, दलित तथा त्यहा“को विशेषताको जनसंगठन तथा मोर्चाको वडा समिति निर्माण गरिने छ र यसलाई विस्तारै टोल सम्म विस्तार गरिने छ ।
जन संगठन र मोर्चा संगठनहरुले हरेक वडाहरुमा न्युनतम ५०/५० नया“ साधारण सदस्य तयार गर्ने उदेश्य रहेको छ । केन्द्रिय उपाध्यक्ष कृष्ण बहादुर महराको प्रमुख आतिथ्यता वसेको बैठकमा स्थायी समिति सदस्यहरु, केन्द्रिय सदस्यहरु अतिथिहरुको रुपमा वैठकमा सहभागी हुनु भएको थियो ।
प्रदेश इन्चार्ज हितमान शाक्यले जिम्मेवारी पुरा गर्ने गरी खट्न अभियानका जिल्ला इन्चार्ज तथा प्रदेश समिति सदस्यहरुलाइ निर्देशन दिए ।
