ताैलिहवा- कपिलवस्तुका २ कोरोना संक्रमितको मंगलवार राति मृत्यु भएको छ । जिल्लामा कोरोना संक्रमितको मृत्यु भएको यो पहिलो घटना हो । बुटवलको धागो कारखाना स्थित कोरोना बिशेष अस्पतालमा उपचारत तौलिहवाका एक र कृष्णनगरका एक जना संक्रमितको मृत्यु भएको स्वासथय कार्यालय श्रोतले जनाएको छ ।
लक्षण सहीतका बिरामी दुबै जना बिगत ५ दिन देखि बुटवल सिथ्त कोरोना बिशेष अस्पतालम उपचार गराईरहेका थिए । मृत्यु हुनेमा ४२ बर्षिय कपिलवस्तु नगरपालिकाका– २ जमुहरा टोला राजु भन्ने कृष्ण कुमार गुप्ता र कृष्णनगर नगरपालिका– १० का २५ बर्षिय प्रदीप तेली रहेको श्रोतले जनाएको छ । जमुहराका मृतक गुप्ता कारोना संक्रमित पुष्टी भए पनि कृष्णनगरका तेलीको भने स्वाब बुटवल पठाइएको तर अझै रिपोर्ट आई नसकेको श्रोतले जनाएको छ ।
यस्तै तौलिहवाका दुई जना कोरोना संक्रमितको अवस्थामा पनि गंभीर रहेको छ । मस्जिद टोलका मासु क्यापारी र सागरटोलका एक पुरुष काठमाण्डौमा उपचाररत रहेको जिल्ला स्वास्थ्य कार्यालयले जनाएको छ । जिल्ला स्वास्थ्य कार्यालयका कोरोना फोकल पर्सन कुमार थापाले कपिलस्तुका दुई कारोना संक्रमितको मृत्यु भएको खबर आए पनि अझै बिस्तसत बिवरण नआएको बताए । प्रजिअ दीर्घ नारायण पौडेलले तौलिहवाको जमुहरा टोलका कारोना संक्रमितको मृत्यु भएको बताए । कृष्णगनरका मृत्यु भएका गुप्ताको स्वाबको रिपोर्ट भने अझै नआएको बताए । जिल्लामा ८ सय ८० जना कोरोना संक्रमित छन ।