रुपन्देहीको सिद्धार्थनगर नगरपालिकाको मेयरमा नेपाली काङ्गे्रसका इस्तियाक अहमद खान विजयी भएका छन्। ९ हजार १३४ मत सहित उनी मेयरमा निर्वाचित भएका हुन् । उनका प्रतिद्वन्दी राप्रपाका सागर प्रताप राणाले भने ८ हजार १३७ मत प्राप्त गरेका छन् । त्यस्तै उपमेयरमा भने एमालेले जित निकालेको छ । ८ हजार ८१३ मत सहित एमाले उम्मेदवार उमा अधिकारी उपमेयरमा विजयी भएकी हुन्। उनको प्रतिद्वन्दी राप्रपाकी विनिता गुप्ताले ६ हजार ५४४ मत प्राप्त गरेकी हुन्।
सिद्धार्थनगर नगरपालिकाको वडा नं. १ को वडा अध्यक्षमा जसपाका उज्ज्वल पोखरेल, २ मा राप्रपाका छेदिलाल श्रीवास्तव, ३ मा राप्रपाकै नारायणप्रसाद उपाध्याय, ४ मा राप्रपाका मुक्तिनाथ यादव, ५ मा काँग्रेसका पुसनप्रसाद श्रेष्ठ, ६ मा काँग्रेसकै विरेन्द्रनाथ श्रीवास्तव, ७ मा काँग्रेसका दामोदर शर्मा घिमिरे, ८ मा काँग्रेसका राजनजंग राणा विजयी भएका छन् ।
त्यस्तै वडा नं. ९ को अध्यक्षमा एमालेका शेषकान्त भण्डारी, १० मा एमालेका सुर्जमन अहिर, ११ मा एमालेकै दिलिपकुमार यादव, १२ मा एमालेका कुमार गुरुङ र वडा नं. १३ को अध्यक्षमा काँग्रेसका सोमबहादुर गुरुङ विजयी भएका छन् ।
