विप्लप नेतृत्वको नेपाल कम्युनिष्ट पाटीको तर्फबाट शिवराज नगरपालिकाको मेयर पदको स्वतन्त्र उम्मेदवार भेषराज भुसालले आफूलाई मतदान गर्ने सम्पूर्ण मतदाताहरु तथा चुनावी प्रचारप्रसारमा खट्ने सबै समर्थकहरुलाई आभार प्रकट गरेका छन् ।
गत वैशाख ३० गते भएको स्थानिय तहको अन्तिम नतिजा पछि एक प्रेस विज्ञप्ति जारी गर्दै उनले भनेका छन्,‘निर्वाचन एउटा खेल हो त्यसलाई स्वीकार्दै सम्पूर्ण मतदाताहरु तथा चुनावि प्रचार प्रसारमा खट्ने सबै समर्थकहरुलाई आभार प्रकट गर्दछु ।’
चुनाव चिन्ह पुतली लिएर शिवराजको मेयर पदका लागि स्वतन्त्र उम्मेदवारको रुपमा चनावि मैदानमा उत्रिएका भुसालले शिवराज नगरपालिकामा विजयी भएका प्रमुख, उपप्रमुख, वडाध्यक्ष, लगायत सम्पूर्ण सदस्यहरुलाई बधाई तथा सफल कार्यकालको शुभकामना व्यक्त गरेका छन् ।
