जिल्ला र क्षेत्रबाट सर्वसम्मत सिफारिस हुँदा पनि नेतृत्वबाट टिकट खोसिएका एमाले नेता डा। भीम रावलले पार्टी नछोड्ने घोषणा गर्नुभएको छ । आफ्नो टिकट खोसिएको बारे प्रष्ट पार्न आज कार्की ब्यांक्वेटमा आयोजित पत्रकार सम्मेलनमा उहाँले एमालेमै बसेर अन्तरसंघर्ष चर्काउने घोषणा गर्नुभयो ।
पत्रकार सम्मेलनमा रावलले अध्यक्ष केपी शर्मा ओलीको चर्को आलोचना गर्नुभएको छ । एमाले(माओवादी एकीकरणदेखि पछिल्लो १० बुँदे सहमतिसम्मका विषयमा भएका घटनाक्रमको सविस्तार वर्णन गर्नुभएका उहाँले ओलीकै कारण शक्तिशाली कम्युनिष्ट पार्टी विभाजन भएको र दुई तिहाई नजिकको वामपन्थी सरकार ढलेको दावी गर्नुभयो।
