फागुन २६, सैनामैना
पाँचौ राष्ट्रिय सैनामैना कृषि पर्यटन तथा औद्योगिक व्यापार महोत्सवमा चलिरहेको सैनामैना डान्सिङ्ग आईडलको फाइनल प्रतिस्पर्धा भोलि हुने भएको छ ।
सैनामैना व्यापार संघको आयोजनामा सञ्चालित महोत्सवको विशेष आर्कषणको रुपमा रहेको सैनामैना डान्सिङ्ग आइडलमा उपाधिका लागि प्रतियोगी नं.१ प्रियाङ्का भुसाल, प्रतियोगी नं.३ दिक्षा सुनार, प्रतियोगी नं.४ मिली के.सी र प्रतियोगी नं.८ असिम सोमै प्रतिस्पर्धामा रहेको अतिरिक्त क्रियाकलाप संयोजक चन्द्र प्रकाश वन ( रामु ) ले जानकारी दिनुभयो ।
डान्सिङ्ग आइडलमा आफुले प्रस्तुत गरेको प्रस्तुति र भोटिङका आधारमा दैनिक १÷१ जना प्रतिस्पर्धी बाहिरिएका हुन् । आज साँझ ६ बजेसम्म मनपर्ने प्रतिस्पर्धीलाई टिकटमार्फत भोट गर्न पाइने छ । स्थानीय स्तरमा रहेका युवाहरुको प्रतिभा उजागर गर्ने उद्देश्यसहित मेलामा पाँचौ सैनामैना डान्सिङ्ग आईडल राखिएको हो ।
डान्सिङ्ग आईडलमा प्रथम हुनेले रु.५५ हजार ५ सय ५५, द्धितीय हुनेले रु.३३ हजार ३ सय ३३, तृतिय हुनेले १५ हजार ५ सय ५५ र शान्तवना हुनेले ५ हजार ५ सय ५५ नगद पुरस्कार प्राप्त गर्नेछन् ।
डान्सिङ्ग आईडल निर्णयकको रुपमा छमछमी कला केन्द्रका डान्स प्रशिक्षक किशोर थापा र इश्वरा एकेडेमीका डान्स प्रशिक्षक अनु गुरुङ्ग रहनुभएको छ ।
