विद्यालय स्वास्थ्य तथा पोषण कार्यक्रमको बार्षिक समीक्षा गोष्ठी

नबिन घिमिरे,२२ कार्तिक
रुपन्देहीको कञ्चन गाउँपालिकामा विद्यालय स्वास्थ्य तथा पोषण कार्यक्रमको बार्षिक समीक्षा गोष्ठी बुधबार सम्पन्न भएको छ ।

कञ्चन गाउँपालिका स्वास्थ्य शाखाको आयोजनामा भएको कार्यक्रममा बोल्दै कञ्चन गाउँपालिकाकी उपाध्यक्ष मौसमी थापा मगरले कञ्चन गाउँपालिकाले शिक्षा र स्वास्थ्यलाई पहिलो प्राथमिकता दिएको बताउँदै नागरिकहरुलाई शिक्षा र स्वास्थ्यको पहुँचमा पु¥याउन केन्द्र, प्रदेश र स्थानीय पालिकाहरुले सशक्त भएर काम गर्नुपर्नेमा जोड दिनुभयो । उहाँले कञ्चन गाउँपालिकाले विद्यालयमा अध्ययन गर्ने बालबालिकाको शिक्षा र पोषणमा पालिकाको बजेटले भ्याएसम्म खर्च गरेर काम गरिरहेको बताउनु भयो ।

कार्यक्रममा कञ्चन गाउँपालिकाका स्वास्थ्य शाखा प्रमुख रामप्रसाद गौतमले विद्यालयमा अध्ययनरत बालबालिकाहरु विभिन्न स्वास्थ्यको जोखिममा रहेको बताउँदै पोषणमा ध्यान सकियो भने बालबालिकालाई धेरै रोगबाट बचाउन सकिने भएकोले पालिकाले विद्यालयका बालबालिकाको स्वास्थ्य र पोषणमा कमी हुन नदिएको बताउनु भयो ।

कार्यक्रममा कञ्चन गाउँपालिकाका स्थानीयले बालबालिकालाई कुपोषणबाट मुक्त गराउन विद्यालयमा मात्रै होइन घरमा पनि आमा बुवाले ध्यान दिनुपर्ने कुरामा जोड दिएका थिए । कार्यक्रमले बालबालिकाको स्वास्थ्य शिक्षामा ध्यान दिन अझै प्रेरणा दिएको सहभागीहरुको धारणा छ ।

यो समाचार पढेर तपाईलाई कस्तो लाग्यो ?

© 2024 उज्यालो पोस्ट All right reserved Site By : Himal Creation