ओलीले आफ्नो प्रस्ताव अनुसार नै उपाध्यक्ष गौतमलाई उपयुक्त समयमा प्रतिनिधिसभाको उम्मेदवार बनाउने र त्यहाँ लैजान विषयमा छलफल गराएका थिए।उनले विद्यान संशोधन गरी वरिष्ठ नेता नेपाललाई पार्टीको ते श्रो अध्यक्ष बनाउन गरेको प्रस्ताव भने नेपाल आफैंले अस्वीकार गरेपछि त्यो ‘च्याप्टर’ नै बन्द भएको प्रवक्ता श्रेष्ठले बताए। वामदेवले पनि राष्ट्रिय सभामा जाने अस्वीकार गरिरहेका छन्।
गौतम र ओलीबीच सचिवालय बैठक अगाडि छुट्टै छलफल भएको थियो। छलफलमा भएका विषय सचिवालय बैठकमा जानकारी गराइएको थिएन्।
गौतमलाई पाल्पा क्षेत्र नम्बर १ का सांसद दलबहादुर रानालाई राजीनामा दिन लगाई उनको स्थानमा उपचुनाव गराएर प्रतिनिधिसभा ल्याउन सहमति जुटेको नेकपा स्रोतले बतायो। राना गौतम निकट नेता हुन्। त्यहाँ गत चुनावमा रानाले ३२ हजार ५४९ मत ल्याएर विजयी भएका थिए। अब गौतम त्यही उम्मेदवार बन्न जानेछन्।
