ताैलिहवा, २५ बैशाख कोरोना संक्रमणका कारण गरिएको लकडाउनका क्रममा भारतबाट छुकी छिपी नेपाल प्रवेश गर्ने क्रममा शसस्त्र प्रहरीको नियन्त्रणमा परेका व्यक्तिलाई भारतिय क्वारेन्टाईन पठाउन शुरु गरिएको छ ।
बुधबार दिउसो सम्म दशगजामा अलपत्र परेका ३ सय ४३ जना मध्य मर्यादपुरमा रहेका ९८ जनालाई भारतिय सुरक्षाकर्मीको सहयोगमा भारतिय क्वारेन्टाईनमा पुर्याईएको हो । दशगजामा अलपत्र परेका भारतबाट आएका नेपाली नागरिकले आफुहरुलाई भारतिय क्वारेन्टाईनमा नपठाएर नेपालकै क्वारेन्टाईनमा तोकिएको समय अबिधी सम्म राखि दिन माग गरेका थिए । नेपाल भारत बिचको सहमती अनुसार जो जता छ त्यहिको क्वारेन्टाईनमा राख्ने सहमती भएका कारण दशगजामा अलपत्र नेपाली नागरिकलाई भारतिय क्वारेन्टाईनमा पठाईएको हो । मर्यादपुर स्थित दशगजामा रहेका सबै जनालाई भारतको खुनुवा बजार हुदै रमवापुरमा निर्माण गरिएको क्वारेन्टाईन लगिएको खुल्न आएको छ ।
