जेठ १०, तौलिहवा
समुदाय बिशेषलाई अपमानि गरि होच्याउने तथा खिल्ली उठाउने गरि “कृषि टिभि नेपाल” ले “कोरोना बिर्साउने गफगाफ” कार्यक्रममा गरिएको प्रस्तुती प्रति मधेश मानव अधिकार गृहको ध्यानाकर्षण भएको बताएको छ ।
संस्थाले जेठ ९ गते एक प्रेस बिज्ञप्ती जारी गर्दै “कृषि टिभि नेपाल” नामक टेलिभिजनबाट नियमिति सञ्चालन भईरहेको “कोरोना बिर्साउने गफगाफ” कार्यक्रमको मिति २०७७/०२/०६ गते प्रशारण भएको एपिसोडमा प्रयोग गरिएको शब्द तथा सांकेतिक हाउभाउले मधेशी बर्गको खिल्ली उडाएको तथा मधेशी समुदायलाई अपमानित गरेको, सो प्रस्तुतिले मधेशी समुदायलाई होच्याएको लागेकोले संस्थाकोे गम्भिर ध्यानाकर्षण बताएको छ ।
बिज्ञप्ती भनिएको छ उक्त प्रस्तुती स्वतन्त्रताको हक सम्बन्धी व्यवस्था भएको नेपालको संविधान २०७२ को धारा १७ को उपधारा (२) को प्रतिबन्धात्मक वाक्यांश १ र समानताको हक सम्बन्धी व्यवस्था भएको धारा १८ को उपधारा (२) र (३) मा समेत कुनै पनि वर्ग समुदायवीच प्रत्यक्ष, अप्रत्यक्ष वा सांकेतिंक रुपमा भेदभाव न गरिने व्यवस्थालाई उल्लघंन गरेको उल्लेख छ ।
संस्थाका अध्यक्ष रविन्द्रनाथ ठाकुरद्वरा हस्ताक्षरित बिज्ञप्ती प्रशासनवाट समेत उक्त प्रशासरण उपर आपत्ति जनाईएको प्रशंसनीय भएको र भविष्यामा यस्ता कार्यक्रम कुनैपनि सञ्चार माध्यमवाट प्रशारण तथा प्रचार न होस भनी संस्थाले गरेको छ ।
साथै संचार माध्यमका विभिन्न पेज, वाल, आदिमा कुनै जात, जाति, समुदाय तथा धर्म प्रति अपमानजनक शब्द प्रयोग गरी टिका टिप्पणी भएकोमा संस्थाको ध्यानाकर्षण भएको र यस्ता कृयाक्रलाप भविष्यमा कोही कसैबाट नहोस् भन्नेमा समेत संस्थाले माग गरेको छ ।
