यूएईमा जारी १३औं संस्करणको इन्डियन प्रिमियर लिग (आईपीएल) टी-ट्‌वान्टी क्रिकेटअन्तर्गत आज (बिहीबार) किङ्स इलेभेन पन्जाबले आफ्नो छैटौं खेल सनराइजर्स हैदरावादसँग खेल्दै छ ।
दुबई अन्तर्राष्ट्रिय क्रिकेट मैदानमा हुने दुई टोलीबीचको खेल नेपाली समयअनुसार राति ७:४५ मा सुरु हुनेछ । आजको खेलमा पन्जाब आफ्नो दोस्रो जित निकाल्ने योजनामा छ ।
यो सिजन निकै खराब प्रदर्शन गरेको पन्जाबले अघिल्लो चरण प्रवेशका लागि आफूलाई बलियो बनाउन आजको खेल जित्नैपर्ने दबाब छ । लिगमा पाँच खेल खेलेको पन्जाबले मात्र एक खेलमा जित हासिल गरेको छ ।
यता लिगमा पाँच खेल खेलेर दुई खेलमा जित हात पारेका हैदराबाद आजको खेलमा पनि जित निकाल्ने योजनामा छ । आजको आजको खेलमा जित निकाल्दै हैदराबाद लिगमा आफूलाई बलियो बनाउने योजनामा छ ।
हैदराबाद लिगमा ५ खेल खेल्दै ४ अंकका साथ तालिकाको छैटौं स्थानमा छ । यता ५ खेलबाट २ अंक जोडेको पन्जाब तालिकाको पुछारमा छ ।