लकडाउनको अवस्थालाई मध्यनजर गरी सरकारले सबै क्षेत्रका लागि राहत प्याकेजको घोषणा गरेको छ । तर, वैदेशिक रोजगारीमा गएका कामदारका लागि भने केही पहल भएको छैन । विदेशमा कम्पनी बन्द हुँदा कतिपय नेपाली श्रमिकको सडकमा वास भएको छ । केहीलाई रोजगारदाताले बेतलबी बिदा दिएका छन् भने कतिपयलाई टिकटसहित स्वदेश फर्कन बिदा दिइसकेका छन् ।
त्यस्तै, सम्झौता सकिएका र कागजपत्र नभएका श्रमिक पनि अलपत्रमा परेका छन् । (एनआरएनए)का अनुसार करिब चार लाख श्रमिक लकडाउन सकिनासाथ फर्कनैपर्ने अवस्थामा छन् । त्यस्तै, नेपाल वैदेशिक रोजगार व्यवसायी संघले पाँच लाख कामदार स्वदेश फर्कन तयार रहेको जनाएको छ ।
