ताैलिहवा, २९ बैशाख
कपिलवस्तुमा कोरोना संक्रमितको संख्या १५ पुगेको छ । २९ गते बिहाना स्वास्थ्य तथा जनसंख्या मन्त्रालयले जारी गरेको विज्ञाप्तीमा कपिलवस्तुकमा थप १० जनामा कोरोना संक्रमण देखिएको बताएको छ । याे संगै कपिलवस्तुमा संक्रमितकाे संख्या १५ पुगेकाे हाे ।
राष्ट्रिय जनस्वास्थ्य प्रयोगशाला टेकुमा जाँच भएको श्वाबमा १० जनामा संक्रमण देखिएको हो । थप १० जनामा संक्रमित मध्ये कपिलवस्तुको भारतीय सिमावर्ती यशोधरा गाउँपालिका वडा नं. ५ बैदौली गाउँका ८ जनामा कोरोना संक्रमण देखिएको हो भने बुद्धभूमी नगरपालिका वडा नं. १० धनकौली र वडा नं. ७ मानपुरका एक/एक जनामा कोरोना संक्रमण पुष्टि भएको जिल्ला स्वास्थ्य कार्यालय कपिलवस्तुले जनाएको छ ।
बुद्धभुमीको गौतमबुद्ध मा.वि. गोरुसिंगेको क्वारेन्टाईनमा र यशोधराको अनिरुद्ध पब्लिक मा.वि.को क्वारेन्टाईनमा रहेका छन । ती सबैलाई कोरोना विशेष अस्पताल बुटवाल पठाउने तैयारी भईरहेको जिल्ला स्वास्थ्य कार्यालय कपिलवस्तुले जनाएको छ । यस अघि मायादेवी गाउँपालिकाको क्वारेन्टाईनमा ५ जनामा कोरोना पोजिटिभ देखिएको थियो ।
शनिबार मात्र जिल्लाका २ सय ९० जनाको स्वाब संकलन गरी काठमाडौं पठाइएको थियो। तीन पालिकाको क्वारेन्टाइनमा रहेका उनीहरुको स्वाब संकलन गरी पिसीआर टेस्टका लागि काठमाडौंस्थित राष्ट्रिय प्रयोगशालामा पठाइएको थियो ।
जसमा बुद्धभूमि नगरपालिकाबाट १ सय २५, कपिलवस्तु नगरपालिकाबाट १ सय ३ र यशोधरा गाउँपालिकाबाट ६२ जनाको स्वाब संकलन गरिएको हो । यी मध्येको रिपोर्टबाट १० जनामा कोरोना संक्रमण देखिएको हो ।
यसअघि जिल्लामा १ सय ६३ जनाको स्वाब संकलन गरिएको थियो । त्यस मध्ये ५ जना संक्रमित भेटिएका छन् । विहीबार र शनिबार गरी जिल्लामा ५ जना कोरोना संक्रमित भेटिएका थिए । जसमा मायादेवी गाउँपालिकाका ४ र शुद्धोधन गाउँपालिकाका एक जना रहेका थिए ।
यस संगै नेपालका काेराेना संक्रमितकाे संख्या १२० पुगेकाे छ भने ३३ जना उपचार पछी निकाे भइ घर फर्किसकेका छन् ।
