ताैलिहवा, जेठ १०
कपिलवस्तु जिल्लाका १० वटै स्थानिय तहमा आईसोलेशन सेन्टर संचालनकाे लागि १० जना डाक्टर २० जना नर्स माग गर्ने निर्णय भएकाे छ । जिल्ला प्रशासन कार्यालयमा बसेकाे जिल्ला काेभिड समन्वय व्यवस्थापन समितिकाे बैठकले कोरोना संक्रमितका नियमित चेकजाँचका प्रत्येक पालिकामा १ डाक्टर २ जना नर्स गरि १० पालिकाकाे लागि १० जना डाक्टर २० जना नर्स नेपाल सरकार संग माग गर्ने निर्णय गरेको हाे ।
प्रमुख जिल्ला अधिकारी सहित जिल्लाका सवै सुरक्षा प्रमुख विच वसेको वैठकले १० डाक्टर र २० जना नर्सको माग गरेको छ । यसै गरी जिल्ला भित्र रहेका अती आबश्यक वस्तु उत्पादन गर्ने र निमार्ण सामाग्री उत्पादन गर्ने उद्याग सर्तमा रहेर संचालन गर्ने निर्णय समेत गरेको छ । श्रमिकलाई आवास र खानाको व्यावस्था उद्योगमा हुने गरी न्युनतम भौतिक दुरी कायम गरी नियमित स्वास्थ्य जाच हुने गरी उद्योग संचालन गर्न सकिने बताईएको छ ।
यसै गरी वुद्धभुमी नगरपालिकाले कम्तीमा ५० वेडको आईसोलेसन वार्ड संचालन गर्ने तयारी गरेको छ । सुगरवरवामा निमार्णधिन रहेको सिमेन्ट उद्योगमा संचालनका लागी पहल भएको नगर प्रमुख केशव कुमार श्रेष्ठले बताउनु भयो ।