भारत छिर्न लागेकी सरिता गिरीलाई सुरक्षाकर्मीले फर्काइदिए

उज्यालो पोस्ट

प्रकाशित मिति : मङ्लबार, असार २, २०७७

सिराहा– नेपालले जारी गरेको नयाँ नक्साबारे असहमति राख्दै आएकी जनता समाजवादी पार्टीकी नेतृ सरिता गिरी माइती देश भारत प्रवेश गर्न लाग्दा उनलाई नेपाली सुरक्षाकर्मीले रोकेर फर्काइदिएका छन् । उनले भारत प्रवेश गर्न निकै प्रयास गरे पनि सफल नभएपछि लाहानतर्फ फर्किएको सुरक्षा स्रोतको भनाइ छ । गिरी मंगलबार दिउँसो तीन बजे चालक र गाडीसहित सिराहाको थाडीबाट भारतको विहारतर्फ प्रवेश गर्न लागेकी थिइन् । सुरक्षागार्ड समेत छाडेर चालकलाई लिएर गिरी भारत प्रवेश गर्न लागेकी थिइन् । प्रहरीले लकडाउनको समयमा नाकाबाट जाने अनुमति नदिइएको भन्दै फर्काएको हो ।